Modesto/Modesta

Antropónimo derivado do alcume latino Modestus ‘moderado’, ‘dotado de modestia’, que á súa vez procede do substantivo latino modus ‘moderación’. É un dos nomes que usaron moitos primeiros cristiáns. Entre os santos que levan este nome figuran san Modesto, preceptor de san Vito e mártir, celebrado o 15 de xuño; san Modesto de Tréveris (s V), o 24 febreiro; san Modesto de Carintia (s VIII), apóstolo irlandés; e santa Modesta de Chartres (s III), celebrada o 13 de marzo.