Moldes, pazo de
Moldes, pazo de
Construción do s XIV situada en Mañufe (Gondomar). Construído en cantaría, ten planta rectangular e dous pisos, cuberta a tres augas e dúas chemineas de pedra. Ao longo das fachadas presenta varios ocos lisos e rectangulares. Na fachada N destaca o escudo coas armas dos Suárez, Deza e Corres. O conxunto completábase cunha capela dedicada a san Brais e un pequeno hórreo. Restaurouse en 1973.