Mondoñedo, Imprenta de

Obradoiros tipográficos establecidos na diocese de Mondoñedo por encargo do bispo Guevara, probablemente a partir de 1543. Figurou entre as tres primeiras cidades galegas en posuír estas instalacións, xunto a Monterrei e Ourense. O seu impresor foi Agustín Paz. A primeira obra da que existen noticias foi a Descripción do reino de Galicia, obra do licenciado Francisco de Molina (1550), da que existe un exemplar na Biblioteca Nacional de Madrid. A última obra impresa nestes obradoiros puido ser Coloquios Satíricos, de Torquemada (1553).