Monterroso

Liñaxe que trae un escudo cuartelado: primeiro e cuarto cuarteis, de azul, con trece besantes de ouro, colocados en tres paus de catro, cinco e catro; segundo e terceiro, de prata, con nove panelas de goles en tres paus de tres; bordo de goles, cargado de oito besantes de prata, cargados con cadansúa banda de sable. Outra variante leva, en campo de azul, un león rampante de prata, adestrado dunha espada do mesmo.