monxe

Relixioso dunha orde monástica, tanto se vive illado como en comunidade. Ao longo da historia encóntranse monxes no xudaísmo (esenios), no budismo, no hinduísmo e no cristianismo (monaquismo). No ámbito cristián, o termo monxe aplícase aos ermitáns ou anacoretas e aos cenobitas, que viven en mosteiros; tamén, nos primeiros séculos, había outros monxes como os xiróvagos, ou estilitas.

Cargo eclesiástico que existía antigamente nas parroquias, catedrais ou colexiatas, que tiña a obriga de abrir e pechar as portas do templo, tocar os sinos, asistir aos reitores e celebrar ou facer celebrar a misa matinal.