mordovino -na

Relativo ou pertencente ao pobo mordovino ou á súa lingua.

Individuo do pobo mordovino.

Grupo de tribos finesas que se estableceron nas ribeiras do Volga medio. Son agricultores e cristiáns ortodoxos, aínda que conservan crenzas pagás. O seu territorio forma parte da República Federal de Mordovia.

Lingua finoúgria do phylum urálico que se fala nunha zona que vai desde o río Oka ao O ata o río Belaja ao L. Está fragmentado en dúas variedades, a oriental ou erza e a occidental ou mokša, bastante diferentes. Despois de 1917 ambas as dúas variedades deron orixe ás respectivas normas escritas e linguas literarias.