atrasar

1. v t

   Pospor unha actividade que se tiña prevista.

   Ex: Tiven que atrasar a miña partida por causa da folga de transportes. 

   Sinónimos: adiar, aprazar, delongar, postergar, retardar. Antónimos: adiantar, anticipar.
2. v t

   Datar unha cousa nun tempo anterior ao fixado.

   Ex: Os arqueólogos aseguran que hai que atrasar a datación deste castro varios anos máis do que se pensaba. 

3. v t

   Mover cara a atrás as agullas dun reloxo ou facer que ande máis lentamente.

   Ex: Cando cruces a fronteira portuguesa tes que atrasar o reloxo unha hora. 

   Antónimos: adiantar.
4. v t

   Obstaculizar a realización ou o decorrer normal de algo.

   Ex: A falta de maioría absoluta na votación atrasou a reforma da lei. 

5. v i

   Non funcionar debidamente un reloxo.

   Ex: Este reloxo atrasa, marca as catro e xa son as cinco. 

   Antónimos: adiantar.
6. v i

   Avanzar cara a atrás dende o punto no que se está.

   Ex: Neste país atrásase máis que se adianta. 

   Sinónimos: retroceder.
7. v pron

   Chegar máis tarde do esperado.

   Ex: O profesor atrasouse por culpa do atasco de tráfico.

Formas incorrectas