favor

(< lat favōre)

s m
Servicio ou axuda que se lle presta a alguén, só por amabilidade ou afecto. Na tradición oral recóllense ditos como: “Máis vale favor, que xustiza nin razón. Máis vale un favor feito, que cen apalabrados. Non botes nunca na cara favores que fagas”.
s m
1. Protección ou apoio que se lle concede a alguén por mor dunha amizade ou por interese puramente persoal.
  
  Ex: Aquela compañía de teatro sempre gozaba do favor do público.
2. Axuda ou preferencia especial prestada a alguén por parte dalgunha persoa con autoridade ou poder.
  
  Ex: Aquel conde sempre gozou do favor do rei.

Frases feitas

A favor (de) loc adv
1 Axudado por algo que empuxa na mesma dirección. Ex: Nadamos a favor do vento. Correron co vento a favor.
2 De acordo co que se expresa a continuación. Ex: Está a favor de que non se fume nos lugares públicos.
3 En beneficio de algo ou de alguén. Ex: Fixo unha doazón a favor do seu fillo. SIN: en favor de.
De favor loc adx Aplícase ao trato especial que se lle dá a alguén. Ex: Estaba recibindo un trato de favor.
En favor de loc prep En beneficio ou proveito de algo ou de alguén. Ex: Testou en favor do seu cliente. SIN: a favor de.
Facer o favor/Por
favor. Fórmula de cortesía empregada para solicitar ou pedir algo. Ex: Fai o favor de non molestar o teu irmán. Por favor, podes repetir o que dixeches?