Académie des Inscriptions et Belles-Lettres

Institución fundada en París (1663) polo ministro Jean-Baptiste Colbert co nome de Petite Académie, formaban parte desta academia catro membros da Académie Française. Encargábase de redactar as inscricións dos edificios construídos por Luís XIV. Integrouse no Institut de France (1793), do que constituíu unha sección ata que as antigas academias retomaron cada unha o nome de seu (1816).