afinar

1. v t e pron

   Facer(se) ou poñer(se) algo fino ou máis aguzado.

   Ex: Afinou as setas que ía empregar na competición. Afinóuselle avoz.

   Sinónimos: aguzar.
2. v t

   Corrixir calquera imperfección ou facer máis perfecto.

   Ex: Afinou esa pequena obra de arte que estaba a construír el mesmo.

   Sinónimos: aguzar.
3. v pron

   Tornarse alguén máis fino, cortés ou delicado.

   Ex: Afinouse moito nos últimos meses nos seus costumes na mesa.

   Sinónimos: educar, perfeccionar.
4. [MÚS] Antónimos: desafinar.
   1. v t

      Poñer no ton certo un instrumento musical.

      Ex: Os músicos da orquestra sinfónica afinaron os instrumentos antes do concerto.

      Antónimos: desafinar.
   2. v i

      Cantar ou tocar un instrumento musical dando o ton certo.

      Ex: Sempre dicía que afinaba mellor ca ninguén nos sostidos.

      Antónimos: desafinar.
5. v t [ARTESAN]

   Limar os bordos ou arestas das pezas de cerámica aínda crúas; facerlles o fondo máis fino ou pulilas de calquera imperfección.

6. v t [IND]

   1. Eliminar as impurezas contidas nun metal ou aliaxe que poden estragar algunha das súas calidades ou empecer a súa utilización industrial. Os sistemas máis usuais son o depurado, a electrólise, a fusión, a oxidación, a licuación ou o tratamento con ácidos (afinación do ouro), etc.

   2. Na metalurxia, obter o aceiro mediante a oxidación e a eliminación dos elementos que ten en exceso o ferro colado ou calquera outra materia prima.

7. v t [IND]

   Poñer a punto un mecanismo, máquina ou motor para que funcione correctamente.

8. v t [IND]

   Manter a pasta de vidro en fusión certo tempo coa finalidade de que os materiais non disoltos se depositen e as burbullas de aire se separen.

9. v t [METROL]

   Axustar un instrumento de medida para obter indicacións precisas.

Frases feitas

• Afinar os prezos. Rebaixalos.