agarrar

1. v t

   Asir ou suxeitar con forza coa man ou con outra parte do corpo.

   Ex: Agarra a raqueta con forza e golpea.

2. v t

   Soster ou tomar un obxecto na man.

   Ex: Agarra este libro que o vou colocar no andel.

   Sinónimos: coller, suxeitar.
3. v t

   Coller unha doenza ou un mal hábito.

   Ex: Agarrei unha gripe que non me abandonou en todo o inverno.

   Sinónimos: apañar.
4. v t

   Ser collido por alguén por calquera parte do corpo.

   Ex: Agarraron a David polos brazos e non puido defenderse.

   Sinónimos: suxeitar.
5. v pron

   Aguantarse, valéndose da man, a fin de evitar ser levado ou caer.

   Ex: Agarrouse ó salvavidas para non afogar.

6. v pron

   Aproveitar algunha cousa como pretexto, ocasión ou oportunidade para obter algún beneficio. Tamén no sentido de valerse de alguén para salvagardarse.

   Ex: Agárrase a calquera escusa para non traballar.

7. v t

   Pelexar animais ou persoas con ou sen armas.

   Ex: O home agarrou o teu pai e non fun quen de separalos.

8. v i

   Empreñar unha vaca.

9. v i

   Botar raíces na terra.

   Ex: Todo o que plantaches o outro día agarrou ben.

Frases feitas

• Agarrar e + verbo. Realizar inmediatamente unha acción. Agarrou e púxose a ler sen que lle dixeran ren. SIN: coller e + verbo, ir e + verbo.