apañar

1. v t

   Coller unha cousa coa man, do chan ou dun lugar que se atopa ao noso alcance.

   Sinónimos: acadar.
2. v t

   Recoller un froito.

3. v t

   Contraer unha enfermidade ou adquirir un vicio.

   Ex: Saca ese pantalón mollado que vas apañar unha gripe.

   Sinónimos: agarrar.
4. v t

   Arranxar ou remendar algún obxecto ou algunha cousa.

   Sinónimos: compoñer.
5. v i

   Recibir pancadas.

   Ex: Cando apañe despois ha de vir onda min.

   Sinónimos: cobrar.
6. v pron

   Lograr subsistir a pesar das dificultades.

   Ex: Ese velliño tense que apañar cunha pensión de vinte mil pesetas.

7. v pron

   Posuír a habilidade necesaria para superar un obstáculo ou realizar algunha tarefa.

   Ex: Apáñase moi ben cos aparatos electrónicos.

Frases feitas

• Apañáchela boa! Causar un atranco.

• Apañar quente. Ter unha decepción.

• Apañaches ben! Enfastiácheste.

• Apañalas no aire. Ser de rápida comprensión.

• Apañar auga coa/na peneira. Facer algo que non é útil.

• Apañar un trancazo. Coller a gripe.

• Apañar unha carpanta. Emborracharse.

• Apañar unha tolena. Ser maltratado.