albardeiro -ra
albardeiro -ra
(< albarda)
-
s
Persoa que fabrica ou vende albardas e amaña instrumentos, apeiros ou ferramentas de coiro. Este oficio provén do artesán que facía ou vendía albardas, selas, bastos e outras guarnicións das bestas de carga. Documéntase a partir do s XV.
Ex: O oficio de albardeiro exérceo un zapateiro da miña aldea.
-
s
Persoa mal amañada e vestida de calquera xeito.
Ex: Tes unha pinta de albardeiro que dás vergonza. O oficio do albardeiro é meter palla e sacar diñeiro. O albardeiro fai de palla diñeiro.