alcadieno

Nome xenérico dos hidrocarburos acíclicos que teñen nas súas moléculas dous enlaces dobres. Cando estes enlaces están separados polo menos por un carbono saturado, as propiedades dos alcadienos son as xerais da serie olefínica. Teñen propiedades especiais os alcadienos cos dous enlaces dobres partindo dun mesmo carbono (alenos), e aqueles onde os ditos enlaces parten de carbonos contiguos (dienos conxugados).