aleno

Hidrocarburo insaturado, gasoso, inflamable, inestable, obtido por acción do cinc en po sobre o 2,3-dicloropropeno, por pirólise do isobutileno ou por electrolise dos itaconatos. Copoliomerízase co etileno, o propileno e o estireno e produce cos diboranos copolímeros pirofóricos. Tamén se denominan alenos todos os hidrocarburos que teñen dous enlaces dobres sucesivos. Os alenos prodúcense por deshaloxenación ou por outras reaccións de eliminación de compostos axeitados, a partir de compostos α-cloroacetilénicos e de reactivos de Grignard, e por pirólise. En presenza de bases fortes isomerízanse en hidrocarburos acetilénicos. Así mesmo puideron obterse polímeros de peso molecular elevado, formados por cadeas. Os polialenos son incoloros, fráxiles e de escasa solubilidade.