ameaza

1. s f

   Acción de ameazar.

   Ex: A pesar das ameazas dos radicais non abandonou a política.

2. s f

   Anunciar a alguén por medio da palabra ou xesto a intención de lle facer dano ou infundirlle temor, preocupación, etc.

   Ex: Os pasaxeiros do avión con destino a un país asiático recibiron ameazas de secuestro.

3. s f

   O que supón un perigo para algo.

   Ex: A política económica do goberno supón unha ameaza para a estabilidade do país.

4. s f

   Indicio ou sinal a través do que se augura a inminencia dun perigo ou dalgunha cousa considerada negativa.

   Ex: As fortes chuvias destes días constituíron unha ameaza para a celebración das festas patronais.

5. s f [DER]

   Delito consistente en intimidar a alguén co anuncio de causar un mal (a el, á súa familia, persoa, honra ou propiedade) sexa para acadar un determinado obxectivo, sexa como unha expresión de rancor ou de ira. Segundo a quen se dirixa a ameaza (Xefe do estado, autoridades, etc), o alcance ou non do propósito e o momento e a forma da intimidación, a penalidade é máis ou menos severa.

Refráns

• Can ladrador que non ten forza ¡ai, se se descoida!
• Home avisado, medio asoballado.
• Pedrada antes contada, moi poucas veces gañada.
• Pois somos recueiros, no camiño nos atoparemos.
• Quen ameaza e non dá, medo ha.
• ¡XO, que te destrozo, bu a de meu sogro!