anabántido

Peixe da familia dos anabántidos.

Familia de peixes da orde dos perciformes integrada por individuos de forma alongada, co corpo comprimido lateralmente e recuberto de grandes escamas. Son de cores rechamantes e moi vistosas. Teñen uns órganos especiais denominados labirintiformes que se localizan na cavidade branquial e que lles permiten respirar bastante tempo fóra da auga. Viven en augas doces de países cálidos de África tropical e ecuatorial e de Asia tropical. Pertence a esta familia o xénero Anabas.