anseriforme

Que pertence á orde dos anseriformes.

Ave da orde dos anseriformes.

Orde de aves acuáticas da superorde dos neognados. Comprende a maioría das especies que antigamente se reunían no grupo dos palmípedos. Pertencen á familia única dos anátidos. Presentan os tres dedos anteriores das patas unidos por unha membrana e o posterior reducido. O peteiro é ancho e plano. Moitas teñen unha glándula sebácea preto da cola: o animal recolle co bico a graxa que segrega e unta as plumas con ela. O seu réxime alimentario é variado: son piscívoras, vexetarianas e planctófagas. Moitas especies son facilmente domesticadas e moi apreciadas en avicultura.