año -ña

Cría da ovella ata a idade dun ano.

A carne de año sempre gozou de gran reputación pola súa calidade e sabor, que depende dos pastos, da raza e da idade que ten cando se sacrifica, preferíndose os animais máis novos. Ata non hai moito, esta carne era a máis consumida, pois a provisión de carne de porco estaba afectada pola estacionalidade (só nos meses da matanza) e os animais vacúns só se sacrificaban ocasionalmente. En Galicia consómese, sobre todo, guisado no forno, acompañado de chícharos e patacas; é costume que, nalgunhas comarcas, se estree a temporada do año por san Xosé. É un dos pratos máis tradicionais na celebración de festas en Galicia.

Figura dun año, xeralmente representada pasante.