aperitivo

Bebida que se toma, xeralmente acompañada dunha comida lixeira, antes do xantar.

Axente estimulante da secreción gástrica e, por tanto, favorecedor dunha mellor dixestión dos alimentos. Os caldos, extracto de carne e de levadura, hidrolizados de proteínas, etc, inician a secreción intestinal por mor do seu contido en aminoácidos e peptonas. O efecto dos aperitivos de natureza alcohólica (amargos, bitter, vermuts, etc) está máis ben causado por factores psíquicos que por mecanismos bioquímicos autónomos.