Asplenium

Xénero de fentos da familia das aspleniáceas, de rizoma curto e recto, frondes xeralmente divididas e soros protexidos por un indusio. Coñécense máis de 700 especies, das que están presentes en Galicia un mínimo de sete, entre as que destacan: A. adiantum-nigrum e Asplenium billoti en valados e rochas de todo o país e A. marinum en paredes de pedra do litoral. Algunhas especies empréganse como ornamentais e outras como medicinais.