Auria

Nome de muller procedente do latín Aurea, feminino de aureus ‘áureo, de ouro’, alcume atribuído a Venus pola riqueza dos seus templos ou pola cor do seu cabelo. Auria é o nome máis antigo de Ourense que quizais pervive en Oira; Auriense, na súa orixe, é un adxectivo derivado de Auria, aínda que tamén se documenta a variante Auregense. Levan este nome santa Auria de París (s VII), santa Auria de Córdoba e santa Auria de Ostia.