baralla

1. s f [XOGO]

   1. Conxunto de naipes que se utilizan para varios xogos. OBS: A baralla española consta de 48 naipes que se dividen en catro paos: ouros, copas, espadas e bastos, mentres que a francesa ten 52, que se dividen en carreaux (cadros), coeurs (corazóns), trèfles (trevos) e piques (picas). Os cadros e corazóns están estampados en negro e os trevos e picas en vermello.

      Ex: Pedímoslle ó camareiro que nos trouxese a baralla para xogar á brisca.

   2. Xogo realizado cos naipes.

      Ex: Todos os días despois do xantar xogamos á baralla.

2. s f

   Discusión entre varias persoas. SIN: agarra, agarrada, disputa, lea, liorta, rifa.

   Ex: Veu onda min e cando se decatou estaba no medio da baralla.

3. s f

   Conversa ou charla abondosa en palabras pero sen importancia. SIN: barallada, parolada.

   Ex: A baralla da hora do café non nos axudou a clarificar a nosa posición.

Refráns

• A baralla é o libro dos xogantíns.
• As barallas, novas; e as contas, vellas.