barriga

1. s f [ANAT]

   Parte anterior do abdome do ser humano e, por extensión, doutros animais que abrangue o estómago e os intestinos.

   Ex: Tiven que ir ó medico porque comín embutidos en mal estado e deume unha dor moi forte de barriga.

   Sinónimos: ventre. Confrontacións: bandougada, bandougo, bandullo.
2. s f

   Parte media avultada dunha vasilla ou ensanchamento convexo do fuste dunha columna.

   Ex: As ánforas teñen unha forma avultada na barriga.

3. s f

   Curvatura que fai unha parede.

   Ex: A barriga do muro anunciaba o seu derrubamento inminente.

4. barriga da perna [ANAT]

   Parte avultada da rexión posterior da perna situada na metade superior entre a sofraxe e o calcañar.

   Ex: De tanto correr teño maniotas na barriga da perna.

Frases feitas

• Apertar a barriga. Vivir unha mala situación, pasalo mal.

• Non lle doer a barriga a alguén. Ter cartos de abondo para manter un bo nivel de vida.

• Os contos non enchen a barriga. Non se vive do conto.

• Botar barriga. Chegar a ter a barriga avultada ou volverse soberbio.

• Deus te bendiga pola barriga. Expresión deriderativa de carácter irónico.

• Encher a barriga. Fartarse coa comida.

• Estar coa barriga á boca Muller que está a piques de parir.

• Sacar a barriga de mal ano. Coller unha enchente despois de ter pasado privacións.

• Ter máis ollos que barriga. Comer cos ollos, ser avaro.