Bergara, convenio de

Nome co que é coñecido o tratado de paz asinado o 29 de agosto de 1839 por Espartero e Maroto, xefes respectivos dos exércitos isabelino e carlista, en Oñati, que puxo fin á Primeira Guerra Carlista (1833-1839). O convenio representaba o recoñecemento de Isabel II como Raíña lexítima. O pacto foi rubricado co abrazo dos dous exrivais (Abrazo de Bergara); sen embargo, a resistencia carlista continuou en Aragón, Catalunya e València ata xullo de 1840.