big bang*

Modelo cosmolóxico que defende a evolución do Universo a partir dunhas condicións iniciais extremas (‘momento cero’, ou big bang propiamente dito). O modelo do big bang é a derradeira consecuencia de invertir mentalmente a expansión do Universo, que se debe entender como unha auténtica expansión do espacio, que arrastra consigo a materia que contén. A. Friedmann (1922) e G. Lemaître (1927) demostraron o carácter dinámico do Universo. V. Slipher e E. Hubble interpretaron o desprazamento cara ao vermello das liñas de absorción dos espectros galácticos como unha evidencia da expansión do Universo. O modelo do big bang seguiu confirmándose polas observacións e, malia certas críticas, continúa a ser amplamente aceptado, o que se ve favorecido en gran medida a pesar das dificultades dos modelos alternativos para explicar a formación e evolución do Universo actual.