BPM

Sigla que equivale a ‘tempos (de compás) por minuto’, e que se refire á velocidade coa que se toca unha peza musical ou á velocidade do metrónomo. Os secuenciadores actuais permiten a variación directa, paulatina ou dinámica do BPM, de tal maneira que é posible cambiar a velocidade de execución (referíndose aquí á rapidez do pulso e non á velocidade MIDI de toque que corresponde á intensidade do son) dun compás a outro, ou ben, paulatinamente, desde un compás ata outro máis ou menos distanciado. Todo isto equivale aos acelerandos e retardandos clásicos. Este tipo de variación dinámica pódese facer cos secuenciadores entre dous valores dados ou porcentualmente.