buscalume

Xogo de rapaces que consiste en ir facendo círculos grandes no chan onde se van colocando o distinto número de xogadores, excepto un que queda fóra, de pandote. Este diríxese a un xogador e faille a seguinte pregunta: “nesta casa hai lume?”; el debe responder, dirixíndose a outro distinto: “Non, naquela que hai fume”, entón o pandote debe dirixirse ao xogador sinalado e mentres tanto todos se cambian de sitio, perdendo o que queda fóra dos círculos.