¹ cabaleiro

Membro dun grupo social que se caracterizaba pola participación en combates a cabalo. En Atenas era, segundo a Constitución de Solón no s VI a C, un cidadán de segunda clase. Na sociedade romana os cabaleiros formaban a orde ecuestre, a clase social de máis categoría despois da senatorial. Para formar parte desta orde o único requisito era posuír un mínimo de 400.000 sestercios, polo que podían acceder a ela persoas de orixe humilde ou indíxenas romanizados das provincias. Na época medieval estableceuse, dende o s VIII, a preponderancia do combatente a cabalo. O xinete posuidor dun cabalo e de armas necesitaba unha longa preparación para adquirir o dominio no manexo do animal e das armas. Xurdiu así a conveniencia de dispoñer de combatentes profesionais, unidos tamén por un contrato de fidelidade. Durante o Imperio Carolinxio recibiron bens territoriais concedidos polo príncipe ou polos señores, coa obriga principal de servir coas armas ao señor. O acceso á categoría de cabaleiro limitábase a aqueles que estaban ben situados economicamente, vasalos ou señores alodiais, e aos que facían do exercicio das armas a súa profesión para vivir.

Membro dunha orde militar.

Membro dunha orde civil.

Cerimonia pola que se lle impón a alguén a dignidade de cabaleiro.

Cabaleiro medieval que, caracterizado polo seu espírito de aventura, buscaba empresas individuais, difíciles e xeralmente xustas. Os novelistas dos ss XII-XV convertérono no personaxe principal das súas producións e outorgáronlle calidades físicas e morais caracterizadas pola gallardía e virilidade, que se fixaron como modelo a seguir. Nos ss XIV e XV, os cabaleiros que existían dedicábanse a imitar os personaxes novelescos.

Cabaleiro aventureiro que vai polo mundo buscando riqueza e fama.

Durante a Idade Media, personaxe extravagante que se caracterizaba pola súa vestimenta e pola súa maneira de expresarse que, como os xograres, viaxaba de corte en corte ao servizo de reis e magnates. Era unha figura indispensable nas festas das rúas. Os cabaleiros salvaxes, ás veces, tiñan outras funcións, como a de heraldo (s XIV). Non se sabe se foron actores ou recitadores.