Calceolaria

Xénero de plantas herbáceas ou subleñosas da familia das escrofulariáceas, de follas xeralmente opostas ou verticiladas, enteiras, e flores bilabiadas, de labios cóncavos, pequeno o de arriba e grande o de abaixo, en forma de gran vesícula arredondada. Hai máis de 200 especies, en America meridional e central. Unicamente os híbridos son cultivados como plantas ornamentais de xardín, principalmente de interior.