cama

1. s f

   Moble construído cunha armazón de madeira, bronce ou ferro e un metálico sobre o que se pon un colchón e roupa de abrigo como sabas, cobertores ou colchas, onde se deitan as persoas para descansar e durmir. Na tradición oral recóllense expresións como: “A cama é boa cousa: o que non pode durmir, repousa. A cama redonda fai a noite longa. Na cama, durmida, non se goberna vida. Na cama redonda, pouco sono e moita troula. En cama pequena deitarse no medio, que é o mellor remedio. En martes, nin a cama mudes nin a roupa laves. O home na cama, fame na casa”.

   Ex: Comprou unha cama para o seu dormitorio.

   Sinónimos: leito.
2. s f

   1. Lugar destinado ao descanso dos animais.

      Sinónimos: camada.

   2. Lugar ao aire libre onde poden durmir os animais salvaxes.

      Sinónimos: camada.
3. s f

   Capa de estrume que se bota na corte dos animais para que durman e obter deste xeito o esterco que fertilizará os campos.

   Sinónimos: camada.
4. s f

   Praza dun hospital ou dun hotel

   Ex: Chamou con moita antelación ó hotel para saber se había camas.

5. s f [MAR]

   Concavidade que forma a embarcación varada na area ou en calquera superficie branda.

Frases feitas

• Caer na cama. Poñerse enfermo.

• Facer a cama. Dispoñer a cama adecuadamente para poder descansar ou durmir nela.

• Facerlle a cama a alguén. Facer algo de maneira secreta para prexudicar a alguén.

• Gardar cama. Repousar na cama por enfermidade.

• Subirlle as orellas á cama. Facer a cama levantando unicamente as sabas.

Refráns

• A cama come.
• Bótate na túa cama e pensa no da túa casa.
• Casado sen leito é coma casa sen teito.
• En cama pequen a deitarse no medio, que é o mellor remedio.
• Na cama, durmida, non se gobema vida.
• Na mala cama mal se dorme.
• Ó pe da cama, nin viño nin auga.
• O que ten cama e dorme no chau, merece que o mallen cun pau.
• tmonos para a cama, que o sono mata a gana e o frío tómao a roupa e unha pema quenta a outra.