carballa

1. s f

   Froito do carballo.

   Ex: Sabe facer bailar as carballas tan ben como se fosen buxainas.

   Sinónimos: bugalla, bugallo, bullaca, bullaco, carrabouxa, carrabouxo, bailarete.
2. s f

   Póla dun carballo despois de separala da árbore.

   Ex: As carballas que non deas fendido ímolas separar para levar ó augardenteiro.

3. s f

   Carballo vello coa copa tupida e co tronco voluminoso.

   Ex: Protestou no concello por teren arrincado a carballa que había no adro.

4. s f [PROTISTA]

   Denominación vulgar de algas do xénero Fucus.

Frases feitas

• Bailar como unha carballa. Bailar moito e ben.