cátedra

1. s f

   Asento colocado nunha plataforma ou púlpito, dende onde os profesores lían ou explicaban maxistralmente unha ciencia ou unha arte aos seus alumnos.

2. s f

   Cargo que exerce un catedrático.

   Ex: Desempeña a cátedra dende hai moitos anos.

3. s f

   Disciplina que é obxecto de estudio e investigación na universidade, recoñecida oficialmente e que está dirixida por un catedrático.

   Ex: A cátedra de medicina deu a coñecer as novas investigacións sobre a enfermidade.

4. s f [RELIX]

   Asento con espaldeira ou dosel, ocupado polo bispo no presbiterio. É o símbolo do maxisterio oficial da Igrexa.

5. s f [RELIX]

   Cargo ou dignidade pontificia ou episcopal.

6. cátedra de san Pedro [RELIX]

   1. Monumento de bronce, situado na igrexa de San Pedro, onde se presupón que sentou este apóstolo.

   2. Dignidade de papa.

Frases feitas

• Sentar cátedra. Pronunciarse con autoridade e de forma concluínte sobre unha determinada materia ou asunto. OBS: Tamén se pode empregar en sentido irónico.