ceboleiro -ra

1. adx

   Que contén cebola.

   Ex: Non lle gusta nada a tortilla ceboleira.

2. s m

   Lugar da horta no que se cultivan cebolas.

   Ex: Está no ceboleiro a recoller cebolas.

   Sinónimos: cebolada.
3. s m

   Tipo de chourizos elaborados con cebola, carne de porco e outros ingredientes. Tamén se coñece co nome de chourizo ceboleiro. OBS: Úsase frecuentemente en plural.

4. s

   Persoa que cultiva ou vende cebolas.

5. s m

   Pao brando ou madeira pouco consistente que non serve para a construción.

6. s f

   ariedade de mazá de cor rubia, forma redonda e sabor agridoce.

7. s f [PLANTA]

   cebola.

8. grilo ceboleiro [ANIMAL/ENTOM]

   grilo ceboleiro.

Frases feitas

• Can ceboleiro. Persoa que come en todas as partes onde a convidan.