cesión

Transmisión que unha persoa (cedente) fai dun dereito, dunha obriga ou dun ben en favor doutra (cesionario).

Acto polo que o debedor fai entrega de todos os seus bens aos acredores para que estes apliquen o seu importe a fin de satisfacer os seus créditos. A cesión de bens pode ser xudicial ou extraxudicial.

Cesión que recae sobre créditos que son obxecto de preito e que o debedor pode extinguir reembolsándolle ao cesionario o prezo que non pagara.

Modalidade de execución dun contrato de obra que lle permite ao seu titular ceder a un terceiro a realización dunha ou de máis unidades que integran unha obra principal, sempre que non teña o carácter de subcontratación de elementos parciais daquela.

Cesión que un arrendatario pode facer, excepcionalmente, en favor do seu cónxuxe, dos ascendentes ou dos descendentes que conviviran con el malia a prohibición xeral de cesión dos dereitos de arrendamento.

Renuncia dos dereitos de soberanía sobre un territorio dun estado en favor doutro. Pode levarse a cabo de forma voluntaria ou forzosa, como resultado dunha guerra, e a nova situación queda regulada por medio dun tratado. Actualmente se considera necesario para a validez da cesión o consentimento dos habitantes do territorio cedido, de acordo co principio de autodeterminación dos pobos.

Cesión obrigatoria de terreos que, de acordo coa lexislación de urbanismo, ten que realizar o propietario de solo urbano e urbanizable.