China Meridional, Mar da

Mar litoral do Océano Pacífico. Está considerado como o de maior magnitude. Esténdese ao longo da costa sueste de China e Indochina, desde Taiwán ao N, ata Sumatra ao S. O estreito de Formosa comunícao co Mar da China Oriental e o de Malacca, ao SO co Océano Índico, e ao NL está unido ao Océano Pacífico polo estreito de Luzon. Ten unha profundidade media duns 1.100 m e a máxima é duns 5.400 m ao NO de Luzon. Está sometido á forza dos monzóns do NO no inverno e do SL no verán. Na súa costa hai numerosos golfos, como o de Tonquín ou o de Siam.