chorar

1. v i

   Botar lágrimas por mor dalgunha emoción, dunha dor ou doutra cousa. Na tradición oral recóllense ditos como: “A onde todos van chorando, non debes ir cantando. Ben pode chorar o que non se pode consolar. Cando choran as pedras de Xallo, temos orballo. Chorar a boca pechada é como non chorar nada. Chorar a boca pechada, pra que non o seipan os que non lle importa nada. Chorar con testigos, pra cumprir cos amigos. Moitas cousas un chora das que dispois se ri e se mofa. O que chora, as súas penas afoga.O neno chora polo seu ben, i o vello polo seu mal. Quen vai chorando non vai rezando nin vai cantando. Se o neno se bota a chorar, acáleo súa nai; e se non quere calar, déixeo chorar”.

   Ex: Choraba porque lle doía moito. Chóranme os ollos por causa da alerxia.

   Sinónimos: bagoar. Antónimos: rir.
2. v i

   Arrepentirse por algunha cousa. Ex: Aínda que sabía que non lle deixaban facelo, saíu pola noite e despois chorou durante toda a semana.

   Ex: Aínda que sabía que non lle deixaban facelo, saíu pola noite e despois chorou durante toda a semana.

3. v i

   Queixarse algúen, especialmente un neno, aínda que non deite bágoas.

4. v i

   Botar zume unha planta cando se corta e aínda está activa.

5. v i

   Pedir ou rogarlle algunha cousa a alguén con insistencia. Na tradición oral recóllense ditos como: “ O que non chora non mama”. Ex: Choroulle no comercio, pero non lle rebaixaron o prezo.

   Ex: Choroulle no comercio, pero non lle rebaixaron o prezo.

6. v t

   1. Manifestar un sentimento de tristeza. Na tradición oral recóllense ditos como: “Sempre é de chorar o que estivo ben e veu a mal”.

      Ex: Choran a súa mala sorte.

   2. Laiar a morte dunha persoa.

7. v t

   Dar ou botar dunha cousa a menor cantidade posible. Ex: Non creo que nos convide nin no seu aniversario, porque chora moito os cartos. Choroulle os materiais a obra e agora éntralle a auga no piso.

   Ex: Non creo que nos convide nin no seu aniversario, porque chora moito os cartos. Choroulle os materiais a obra e agora éntralle a auga no piso.

Frases feitas

• Agora xa foi, Marica non chores. Expresa que algunha cousa xa non ten solución.

• 2 Lamentarse.

• Chorar a boca pechada. Calar.

• Chorar a fío/ás cuncas/a rego/como unha veiga tallada/os sete chorares. Chorar inensamente.

• Chorar auga a fío. Chover sen parar.

• Chorar bágoas de sangue. Lamentar unha gran desgracia, na que hai mortes polo medio.

• Chorar catro bágoas/como unha Madalena. Chorar moito.

• Chorar cun ollo e rir co outro. Non ser grave a razón pola que se chora ou rir e chorar ao mesmo tempo.

• Chorar lástimas. 1 Esaxerar as desgracias.

• Chorar para descansar. Desafogarse.

• Facer chorar as pedras (máis duras). Conmover.

• Quen te/vos chora! Aplícase a quen non lle falta de nada.

Refráns

• Amaina a pena chorar a causa dela.
• Chorar a boca pechada e coma non chorar nada.
• Chorar coa boca pechada, para que os veciños non saiban nada.
• Chorar con testigos, para cumprir cos amigos.
• Choros de vellas fan chorar as pedras.
• O neno chora polo seu ben e o vello polo seu mal.
• O que chora, as súas penas afoga.
• Quen vai chorando non vai rezando nin vai cantando.
• Se o neno se bota a chorar, acáleo súa nai e, se non quere calar, déixeo chorar.