"Bao" (Contén)

RIOS

Río da conca cantábrica, afluente do Ouro pola esquerda. Nace na vertente oriental da serra do Xistral, no lugar da Casela, na parroquia e concello do Valadouro. Percorre a parroquia en sentido NO-SL, recibindo o seu principal tributario, o Rego do Penido Novo, que baixa dende o pico homónimo, situado na liña axial dos cumios do Xistral. De seguida penetra na parroquia de Mor, no concello de Alfoz, onde desemboca no lugar de Santa Mariña.

1. ariante gráfica de Vao, apelido de orixe toponímica que remite ao topónimo Vao, voz procedente do latín vadu ‘lugar pouco profundo polo que pode atravesar unha corrente de auga’. Así que, aínda que etimoloxicamente este apelido debería levar a grafía v-, a miúdo adoita aparecer cun b- non etimolóxico.

2. Liñaxe asturiana oriúnda de Villavaler que se espallou por toda Galicia. As súas armas levan escudo partido: a primeira partición, en campo de azul, cun castelo de prata, sobre ondas de azul e prata, e dous leóns de ouro empinados aos seus muros e, saíndo da homenaxe do castelo, dúas cintas, tamén de prata, unha a cada lado, con cadansúa chave de ouro pendurada; a segunda partición, en campo de goles, con nove besantes de ouro, ordenados en tres paos e colocados de dous en dous e un de non. Algúns tratadistas recollen para a rama galega un escudo partido moi semellante: a primeira partición, en campo de azul, cunha torre de prata aclarada de sable sobre ondas de azul e prata e, saíndo das súas ameas, dúas cintas tamén de prata, unha a cada lado, con cadansúa chave do mesmo metal; a segunda partición, en campo de goles, con nove besantes de prata, colocados en tres paos, de tres cada un.

PERSOEIRO

Emperador de Annam. En 1925 sucedeu o seu pai Khai-Dinh. Baixo a presión xaponesa proclamou en 1945 a independencia do Vietnam, cun territorio que abranguía a Cochinchina e Tonquín. Logo da proclamación da República de Vietnam por Ho Chi Minh, exiliouse a Hong Kong (1946). En 1949 Francia nomeouno xefe dun teórico estado asociado de Vietnam. Sen apoio político, exiliouse a Francia, onde continuou exercendo as funcións imperiais. Foi deposto definitivamente do trono por un referendo organizado por Ngo Dinh Diem (1955).

RIOS

Río da conca do Xallas, afluente do Beba. Nace na Fonte de San Alberte, na parroquia de Beba, concello de Mazaricos, e desemboca no Beba, no lugar do Bao da Lama, na mesma parroquia.

GALICIA

Pintor. A súa obra, na que reflicte escenas populares da realidade galega xunto con paisaxes tradicionais, é de carácter costumista.

PERSOEIRO

Poeta chinés. Participou activamente nos conflitos militares e políticos que precederon á caída da breve dinastía Song (Liusong). Foi un fecundo autor de poesías fu e de poemas rituais escritos por encarga imperial. Amosou un fino sentido da natureza, con tendencia á melancolía. Os seus poemas de amor foron atribuídos aos espíritos nocturnos.

CIDADES

Cidade da provincia de Shanxi, no N da República Popular de China (337.765 h [1990]).

PARROQUIA

Parroquia do concello de Mazaricos baixo a advocación de san Tomé.

PARROQUIA

Parroquia do concello de Ribeira de Piquín baixo a advocación de san Xoán.

CIDADES

Cidade da provincia de Hebei, no N da República Popular de China (483.155 h [1990]).

CIDADES

Cidade da rexión autónoma da Mongolia interior, na República Popular de China (983.508 h [1990]). Situada á beira do río Huang He, destaca sobre todo pola industria siderúrxica, pero tamén polas téxtiles, químicas, alimentarias e de maquinaria.

PERSOEIRO

Poeta e dramaturgo francés. Defensor do Clasicismo, foi sempre contrario ás novas tendencias que propugnaba o Romanticismo. A súa obra, pouco orixinal, consta de adaptacións doutros poemas, como Jérusalem délivrée (1812), de Torquato Tasso, e as Poésies (1801), de Ossian. Escribiu tamén traxedias e sátiras contra o Romanticismo, coma o diálogo en verso Le classique et le romantique (O clásico e o romántico, 1825).