"Ilda" (Contén)

Prenome feminino relacionado coa voz árabe qa ṣ īda ‘poema’, aínda que tamén se podería tratar dun composto do xermánico hilda ‘loita’. Santa Casilda de Burgos (s XI) invócase contra a histeria feminina e celébrase o 9 de abril.

santa (Toledo, s XI - Briviesca, Burgos 9.4.1126) Filla do rei mouro de Toledo Almancrín (1038-1075), converteuse ao cristianismo. De espírito compasivo, alimentaba os prisioneiros cristiáns sen o consentimento do seu pai, pero un día sorprendeuna e preguntoulle qué tiña agochado no mandil; ela díxolle que levaba rosas e flores e, efectivamente, produciuse o milagre e os anacos de pan convertéronse en flores. Foi trasladada cando estaba enferma á lagoa de San Vicente, preto de Briviesca, famosa polas súas curacións milagrosas. Logo de conseguir o remedio do seu mal, fíxose bautizar e levantou unha ermida naquel lugar, onde pasaría o resto da súa vida, entregada á práctica piadosa. En Galicia invócase contra a histeria feminina, como reflicten expresións, populares do tipo “Gárdame, santa Casilda, do madrío ando saída”. Na arte iconográfica leva como atributo persoal unha abada de flores e, ás veces, aparece con coroa real na cabeza. A súa festividade celébrase o 9 de abril.

ariante gráfica do nome Clotilde.

Xénero de aves granívoras ao que pertence a especie E. astrild, de 9 cm de lonxitude, de cola longa, peteiro vermello e plumaxe finamente raiada, de cor agrisada e acastañada coas meixelas brancas, unha franxa ocular vermella e o ventre carmesí. Orixinaria de África tropical e meridional, vive en espacios abertos con herbeiras altas. Aparece como ave alóctona en Brasil, California, Hawaii e en illas do Atlántico e do Pacífico. En 1964 soltáronse nas proximidades de Lisboa bandos desta especie que se estableceron nun principio en zonas húmidas asociadas a cursos fluviais e logo tamén en mosaicos agrícolas con presenza de auga. Posteriormente, colonizou a maior parte de Portugal e zonas de Extremadura e Galicia, a onde chegou en 1980.

Produción cinematográfica estadounidense realizada en 1946. Foi dirixida por Charles Vidor e interpretada por Rita Hayworth, Glenn Ford, George Macready, Steven Geray, Joseph Calleia e Joe Sawyer. A trama da película desenvólvese nos anos finais da Segunda Guerra Mundial, nun casino de variedades. Destacan as cancións que interpreta Rita Hayworth, e que a converteron nun dos mitos eróticos do s XX.

Asociación de artesáns e comerciantes desenvolvida nos países do Mar do Norte entre os ss XI e XV. Nas súas orixes eran asociacións de carácter relixioso con finalidade asistencial, pero tralo renacemento económico do s XI convertéronse en asociacións mercantís que tiñan por finalidade a defensa do comercio, a súa regulación e a seguridade das comunicacións. A importancia destas confrarías permitiulles recibir numerosos privilexios rexios que as transformaron en corporacións oficiais con xurisdición e dereito propio.

ariante gráfica do antropónimo Hermenxildo/Hermenxilda.

Antropónimo de orixe xermánica composto de *ermin- ou *irmin- ‘grande, poderoso’ e *gild(i)- ‘valoroso’, latinizado polos haxiólogos de santo Hermenxildo de Sevilla (s VI) en Hermenegildus. Ten as variantes Hermenexildo/Hermenexilda, Hermexildo/Hermexilda e os hipocorísticos Merexildo, Xildo/Xilda. Destaca con este nome o santo galego Hermenxildo de Salceda (s X). A súa festividade celébrase o 13 de abril.

ariante gráfica do antropónimo Hermenxildo/Hermenxilda.

Antropónimo feminino de orixe xermánica formado co elemento *hiltja- ou *hildi ‘batalla’, que logo pasaría ao antigo inglés como Hild. Tamén se considera forma abreviada ou hipocorística doutros nomes compostos de orixe xermánica, coma Hildegunda, Hildegarda ou Brunilda, Clotilde, Matilde. Presenta as variantes Ilda e Elda. Na mitoloxía escandinava, Hilda era o nome dunha das valquirias, que protexían os guerreiros e que, seguindo as ordes do seu pai Odin, elixían os mortos en combate para levarllos ao Walhala. Santa Hilda (614-680), princesa de Nortumbria-Inglaterra e fundadora do mosteiro de Whitby, celébrase o 17 de novembro.

ariante do antropónimo feminino Hilda.

Nome inglés de Cill Dara.

ariante gráfica do antropónimo feminino Matilde.

Termo do barallete, ou xerga dos afiadores, que corresponde á voz ‘cu’.

Termo do barallete, ou xerga dos afiadores, que corresponde ás voces ‘cagado’, ‘perdido’ e ‘roto’.