"Maine" (Contén)

ameixa.

Título xeral baixo o que Honoré de Balzac publicou o esencial da súa produción novelesca, entre 1842 e 1848. A visión de conxunto e a técnica empregada parten da publicación de La peau de chagrin (1831) e perfílanse definitivamente con Père Goriot (1834), ao concibir a idea da aparición intermitente dos mesmos personaxes. A obra perfílase como unha gran síntese cósmica e social cunha rigorosa unidade de composición. A primeira parte compóñena os Estudios de costumes e divídese en: Escenas da vida privada, Escenas da vida de provincia, Escenas da vida parisiense, Escenas da vida política, Escenas da vida militar e Escenas da vida rural; a segunda confórmana Estudios filosóficos; e a terceira Estudios analíticos. Traza un amplo abano de tipos sociais, desde o aristócrata ao pequeno comerciante e ao campesiño, e prescinde da clase obreira. A orde cronolóxica dos argumentos vai desde 1308 a 1846, pero a maioría das novelas sitúanse entre a Revolución de 1789 e os últimos anos da monarquía de...

(Wilda, Poznań 1897 - Wetzlar 1985) Fotógrafa polaca. Estudiou fotografía en Múnic e en 1920 instalou o seu propio estudo en Berlín. Colaboradora de diversas revistas internacionais, traballou en París (1924) como fotógrafa de modas. Participou nalgunhas publicacións xunto a Delaunay, Man Ray e André Kertész. Ademais foi correspondente de guerra en Indochina (1946). Publicou Metal (1927).

Estado de EE UU situado no extremo NL do país, limita ao N con Canadá, ao L co Océano Atlántico e ao SO co estado de New Hampshire (86.156 km2; 1.274.923 h [2000]). A capital é Augusta (18.560 h [2000]). Está situado sobre unha penechaira inclinada de NO a SL, cunha morfoloxía glaciar que deixou numerosos lagos como o Moosehead e o Chesuncook. A rede hidrográfica está marcada polos ríos Saint John, Penobscot   e Kennebec. O clima é bastante fresco. A metade da poboación concéntrase nas cidades. A economía céntrase no cultivo de patacas e na gandería bovina. Ten industria papeleira, téxtil e alimentaria. A actividade pesqueira concéntrase en Portland. As súas costas foron exploradas por Champlain (1604-1605) e a compañía inglesa de Plymouth (1607) comezou a colonización. Anexado a Massachusetts (1658) converteuse no estado número vinte e tres da Unión (1820). Foi o primeiro estado en establecer a lei seca.

Acoirazado estadounidense. O seu afundimento, provocado por unha explosión de orixe incerta en La Habana (1898), fixo que EE UU lle declarase a guera a España e esta rematase co seu dominio en Cuba.

Territorio, con centro en Le Mans, que Hugo I fixo hereditario no 955. En 1126 pasou aos condes de Anjou. Ao chegar ao reinado o conde Enrique I (Enrique II de Inglaterra), o Rei Filipe II de Francia quitoulle o condado a Xoán I de Inglaterra (1203). Luís IX donoullo ao seu irmán Carlos I, conde de Anjou, e o fillo deste, Carlos II, cedeullo ao conde Carlos I de Valois. Cando morreu o conde Carlos V de Maine (1481), herdou o condado Luís XI de Francia que o incorporou á coroa e que o elevou á categoría de ducado. Foi concedido en 1673, a Luís Augusto de Borbón-Maine (Saint Germain-en-Laye 1670 - Sceaux 1736), fillo de Luís XIV. Á morte do rei, o rexente Filipe, duque de Orléans, desposuíno dos dereitos sucesorios e o ducado pasou á coroa.