"Ortega" (Contén)

PERSOEIRO

Profesor e filólogo. Realizou estudios de Maxisterio e Filosofía e Letras na Universidade de Santiago de Compostela. Centrou a súa investigación no prerrexurdimento literario galego, tema sobre o que realizou a súa tese de doutoramento. Publicou Vida e obra de Francisco Añón (1991).

SEMANARIOS

Semanario de tendencia liberal aparecido na vila de Ortigueira o 28 de setembro de 1890. Propiedade dos irmáns Xosé e Vicente Maciñeira González, foi dirixido por Federico Maciñeira e por Ramón Balsa Reboredo. Ao longo da súa traxectoria editorial titulouse tamén El Ortegal (nº 67 de 1892 ata o nº 163). Exerceu a súa actividade como voceiro do partido liberal da comarca. Amais de artigos políticos, ten publicado estudios arqueolóxicos realizados por Federico Maciñeira.

PARROQUIA

Parroquia baixo a advocación de santa María que dá nome ao concello de Cortegada.

PARROQUIA

Parroquia do concello de Sarreaus baixo a advocación de san Xoán.

PARROQUIA

Parroquia do concello de Silleda baixo a advocación de santa María.

GALICIA

Concello da comarca do Ribeiro, situado na provincia de Ourense no S da Comunidade Autónoma de Galicia. Limita ao N cos concellos da Arnoia e Ribadavia, ao L co de Gomesende (Terra de Celanova), ao S co de Pontedeva (Terra de Celanova) e ao O co de Crecente (A Paradanta). Abrangue unha superficie de 26,9 km 2 cunha poboación de 1.328 h (2007), distribuídos nas parroquias de Cortegada, Louredo, Meréns, Rabiño, Refoxos, Valongo e Zaparín. A capital municipal é o lugar de Cortegada, na parroquia homónima, situada a 42° 12’ de latitude N e 8° 10’ de lonxitude O, 130 km ao SL de Santiago de Compostela e 43 km ao SO de Ourense. Está adscrito ao partido xudicial de Ribadavia e á provincia e diocese de Ourense.
Xeografía física
O termo municipal de Cortegada encádrase nunha área de transición entre os dominios climáticos oceánicos: húmido das Rías Baixas, mediterráneo da beira do Miño e continental da Terra de Celanova. Situado no val do río Miño, xa preto...

ILLAS

Illa da costa nororiental da ría de Arousa, no litoral da parroquia do Carril (concello de Vilagarcía de Arousa). Litoloxicamente, componse de xistos e paragneises do precámbrico-silúrico e granitos hercinianos, pertencentes ao denominado “complexo de Noia”, que se prolonga ao N e ao S en dirección NO-SL. A súa máxima cota son os 25 m de altitude, que se acadan no S da illa. A distancia coa liña de costa é de 175 m; neste espazo aséntanse varios parques para o cultivo da ameixa. Entre as peculiaridades naturais máis interesantes, cómpre mencionar a presenza do bosque de loureiros máis meridional do continente europeo, circunstancia que xustifica a demanda de elaboración e aplicación dunha normativa e de medidas especifícas para a súa conservación. En agosto de 1907, a corporación municipal do Carril fixo doazón da illa ao Rei Afonso XIII para que construíse nela unha residencia real.

IGREXAS

Igrexa parroquial situada en Sarreaus. De estilo románico, destaca a portada principal formada por tres arquivoltas apoiadas sobre pares de columnas e rematada nunha espadana de dous corpos, engadida na época barroca. No exterior sobresae tamén a colección de canzorros.

IGREXAS

Igrexa parroquial situada en Cortegada. Construíuse en 1898 en estilo neogótico, seguindo a traza de Daniel Vázquez Gulías. No interior destacan os retablos neogóticos. Financiouna o indiano Guillermo Álvarez Pérez.

IGREXAS

Igrexa parroquial situada en Silleda. De orixe medieval, pertenceu probablemente ao mosteiro de San Lourenzo de Carboeiro no ano 910. Do primitivo templo románico, construído a finais do s XII, só se conservan os muros laterais da nave: no lado sur destaca unha estreita fiestra e os canzorros, e no norte dúas seteiras e canzorros decorados cun carneiro, unha aguia, un can con dúas volutas e un home collendo os xeonllos, todo deteriorado. A igrexa reedificouse no s XVII, nun lugar próximo á súa situación orixinal.

MUNICIPIOS

Municipio da provincia de Huelva, Andalucía, situado entre Sierra Morena e a serra de Aracena (5.206 h [1996]). A súa economía baséase na agricultura (oliveiras e cereais), na gandería e nas industrias cárnicas, particularmente as de elaboración de derivados porcinos e ovinos, como xamóns, queixos ou embutidos. Tamén destaca o sector téxtil, especialmente o do coiro. Fundado probablemente polos turdetanos, trala dominación árabe pertenceu á orde dos Hospitalarios de San Xoán de Xerusalén. Do seu patrimonio cultural destacan o castelo (s XIII) e as igrexas mudéxares do Divino Salvador e de San Sebastián.

PARROQUIA

Parroquia do concello de Avión baixo a advocación de santo Antonio.

PUBLICACIÓNS

Publicación de tendencia liberal editada en Ortigueira a partir do 5 de xaneiro de 1902. Subtitulada como “Semanario independiente”, cesou a súa edición a finais de 1913. Dirixiuna Ramón Álvarez Fustes ata o nº 46. Incluíu crónicas sobre política local nas que se desenvolvían novas sobre os concellos da comarca, artigos sobre os emigrantes galegos en América e capítulos de libros por entregas. Coa aparición de La Opinión de Ortigueira, outro periódico de tendencia liberal, modificou a súa postura política cara a posicións máis conservadoras. Na súa segunda época, no ano 1913, dirixiuna Dámaso Calvo Montero e contou coa colaboración de Manuel Cabarcos. Desapareceu nese mesmo ano.

PERSOEIRO

Escritor, xornalista e crítico de arte. Funcionario de Correos, posteriormente doutorouse en Dereito. Colaborador en distintas publicacións, como La Raza, Diario de la Marina, Mercurio, Universal Ilustrado, La Esfera, Mundo Gráfico, La Tribuna e Vida Gallega, fundou a revista Juventud Española e dirixiu Gaceta de Bellas Artes e Metrópolis. Da súa produción destaca El alma de Galicia (1922), Nuevo escenario (1927) e El arte Gallego (1930). Foi un dos organizadores da Exposición de Arte Moderna de Oslo (1932).

SEMANARIOS

Semanario publicado en Ortigueira a partir do 3 de febreiro de 1889 e subtitulado “Periódico de intereses generales”. Cesou a súa edición no nº 17. Fundado e dirixido por Anxo Amenedo Ponte, contaba cos seus propios obradoiros tipográficos. Serviu de apoio ao político liberal Xosé Maciñeira González.

PERSOEIRO

Ilustrador. Foi deseñador gráfico de publicidade e ilustrou libros e contos infantís, colaborou en xornais e revistas e publicou carteis, cadernos educativos e libros de texto. Traballou co escritor Carles Cano. Recibiu o Premio Lazarillo do ministerio de Cultura (1989).