"Sarria" (Contén)

MUNICIPIOS

Municipio da provincia de Alacant, Comunitat Valenciana, na comarca da Marina Baixa, nas vertentes do Sistema Prebético oriental (6.322 h [1996]). As actividades principais son a agricultura con plantacións de viña, oliveiras, cereais e legumes, e a gandería lanar e vacúa. A industria limítase a algunhas canteiras, á construción e á manufactura de esparto. Nos últimos anos potenciouse o turismo aproveitando os seus recursos culturais como a igrexa arciprestal de San Joan Baptista (1574), a ermida de Santa Bárbara (s XVIII) e as paisaxes de Les Fonts de L’Algar, conformado polo río Algar, onde se atopan numerosas fervenzas e fontes naturais. Callosa d´en Sarrià constitúe un núcleo que se formou a partir dun casal de orixe árabe.

PARROQUIA

Parroquia baixo as advocacións de san Salvador, santa Mariña e Nosa Señora do Rosario que dá nome ao concello de Sarria, onde se atopa a capital municipal.

GALICIA

Concello da comarca de Sarria, situado no centro-leste da Comunidade Autónoma de Galicia, a 42° 46’ 80” de latitude N e 7° 24’ 70” de lonxitude O. Limita ao N con Láncara e O Páramo, ao L con Láncara e Samos, ao S co Incio e ao O con Paradela (todos eles situados na comarca de Sarria). Abrangue unha superficie de 184,6 km 2 cunha poboación de 13.422 h (2007), distribuída nas parroquias de Albán, Barbadelo, Belante, Betote, Biville, Calvor, O Camiño, Castelo dos Infantes, Cesar, A Chanca, Chorente, Corvelle, Fafián, Farbán, Ferreiros, Fontao, Frades, Goián, Lier, Loureiro, Lousadela, Louseiro, Maside, O Mato, Meixente, Nespereira, Ortoá, A Pena, Piñeira, A Pinza, Requeixo, Rubín, San Fiz de Reimóndez, San Fiz de Vilapedre, San Miguel de Vilapedre, San Pedro de Froián, San Sadurniño de Froián, San Salvador da Pena, San Vicenzo de Froián, San Xulián da Veiga, Santalla de Arxemil, Santo André de Paradela, Santo Antolín, Santo Estevo do Mato, Sarria, Seteventos, A Veiga, Vilamaior,...

MUNICIPIOS

Municipio da provincia de Girona, Catalunya, situado no centro da provincia á beira do río Ter (3.708 h [2001]). Ten industria papeleira.

GALICIA

Comarca situada no centro-S da provincia de Lugo e ao L de Galicia. Limita ao N coas comarcas de Lugo (O Corgo) e Os Ancares (Baralla), ao S coa comarca de Terra de Lemos (O Saviñao, Bóveda e A Pobra do Brollón), ao L novamente coa comarca dos Ancares (Becerreá, As Nogais e Pedrafita do Cebreiro) e Quiroga (Folgoso do Courel) e ao O coa comarca de Lugo (Portomarín e Guntín). Abrangue unha superficie de 842,2 km2en que acolle a unha poboación de 25.882 h (2001), distribuídos entre os concellos do Incio (146,2 km2; 2.427 h), Láncara (121,7 km2; 3.186 h), Paradela (121,1 km2; 2.545h), O Páramo (74,8 km2; 1.907 h), Samos (136,6 km2; 2.057 h), Sarria (184,6 km2; 12.887 h) e Triacastela (51,2 km2; 873 h). A cabeceira comarcal é a vila de Sarria, ademais de ser partido xudicial.
Xeografía física
A comarca de Sarria sitúase nunha cubeta tectónica terciaria formada por materiais...

PERSOEIRO

Escritor e predicador dominicano. Coñecido como Luis de Granada, foi provincial da súa orde en Portugal (1557). Predicaba ao xeito de Xoán de Ávila, de quen escribiu unha biografía, e expuxo a súa técnica oratoria en Rhetorica ecclesiastica. O seu estilo mostra a influencia de Cicerón. Escribiu Introdución al símbolo de la fe (1583) e Memorial de la vida cristiana (1561). Sospeitoso de erasmista, os seus libros foron prohibidos en 1556.

IGREXAS

Igrexa parroquial situada en Sarria. Construída durante o s XIV, mestura elementos románicos e góticos. Feita con sillaría, ten planta rectangular e ábsida redondeada, precedida dun tramo recto. Destaca a portada norte, cun tímpano monolítico de estilo románico e decoración nas bases, fustes e capiteis das columnas. A portada principal, de trazado gótico, presenta arco e arquivoltas apuntadas. Os laterais da fachada rematan con pináculos e na parte central destaca o campanario de dobre van. No interior conserva un retablo de estilo románico tardío.

GALICIA

Relixioso dominicano. Actuou en asuntos diplomáticos vinculados á Corte por mandato de Filipe IV e foi arcebispo de Trani (Nápoles) en 1656 e de Tarento, en 1665. Creou no convento dominicano de Pontevedra a cátedra de Filosofía e Teoloxía Moral. Publicou Compendio de la Doctrina Cristiana.

1. Relativo ou pertencente a Sarria ou aos seus habitantes.

2. Natural ou habitante de Sarria.

PARROQUIA

Parroquia do concello de Sarria baixo a advocación de san Salvador.