"arse" (Contén)

Depósito de armas e municións.

Establecemento marítimo militar, situado nun porto, que consta de estaleiros, talleres e almacéns nos que se constrúen, reparan e equipan barcos de guerra, así como os seus aparellos, provisións e armamento. Está instalado en posicións estratéxicas e normalmente forma parte dunha base naval.

Conxunto numeroso de cousas.

Relativo ou pertencente ao arsénico; que contén arsénico.

Substancia de aplicación terapéutica que contén arsénico na súa molécula. Os compostos arsenicais poden divididirse en dous grandes grupos: os minerais e os orgánicos. Entre os arsenicais minerais están o triioduro de arsénico (AsI 3 ), do que se obtén unha solución, o licor de Donovan, empregada no tratamento dalgunhas dermatoses; o trióxido de arsénico, que se usa para fins medicinais en forma de solución, denominada licor de Boudin. Os arsenicais orgánicos poden ser acíclicos como o arrenal (metilarsonato disódico) e os cacodilatos de sodio e de ferro empregados nos estados de desnutrición e anemia; son menos tóxicos ca os arseniais dun anel bencénico, como o atoxilo (sal do ácido arsanílico), e os de dous aneis bencénicos, como a arsfenamina e neoarsfenamina.

Insecticida preparado a base de arseniatos de chumbo e calcio con auga e melazas.

Cebo empregado para atraer moscas, formigas, lesmas, caracois, etc, preparado con arseniato e arsenito sódicos principalmente, empregado antigamente.

niquelina.

Elemento de número atómico 33 e peso atómico 74,9216, con propiedades metálicas e non metálicas. Pertence ao grupo VA da táboa periódica (cuarto período) e ten valencias -3, +3 e +5. Os sulfuros de arsénico naturais xa se empregaban na Antigüidade clásica como pigmentos e medicamentos, pero a primeira obtención do elemento atribúeselle a Alberte o Grande cara ao 1250. O arsénico existe en tres estados alotrópicos cristalinos: o arsénico gris, chamado tamén arsénico metálico, que é o único estable; o arsénico amarelo e o arsénico negro, sen contar diversos estados amorfos non tan ben definidos. O arsénico pode ser preparado por quentamento da arsenopirita ao abrigo do aire ou ben reducindo con carbón o trióxido. A purificación faise por sublimación. As aplicacións directas do elemento arsénico son poucas e consisten esencialmente na fabricación de aliaxes con cobre e chumbo, ás que lles dá dureza e resistencia ante a corrosión. Cando é moi puro...

Dise dos compostos de arsénico nos que este é pentavalente.

Ácido ortoarsénico que se obtén por ebulición do trióxido de arsénico con ácido nítrico concentrado. Emprégase na obtención de materias colorantes orgánicas; e os seus sales, os arseniatos, como insecticidas e na fabricación de vidro.

Arsénico tetraatómico obtido por condensación rápida de vapores de arsénico a resgardo da luz. As súas propiedades físicas son as dun non metal. É un redutor enérxico e a luz ultravioleta transfórmao en arsénico gris.

É o máis importante dos compostos de arsénico, formado por combustión do elemento. Existe nunha forma amorfa e en dúas formas cristalinas, unha cúbica (octaedros) e outra monoclínica (prismas). As solucións acuosas son lixeiramente ácidas e ao engadirlle as bases dan os arsenitos. Os oxidantes transfórmano en pentóxido e os redutores en arsénico metálico. Industrialmente obtense ao torrar arsenopirita e purifícase por sublimación. É extremadamente tóxico e moi perigoso porque é inodoro e insípido, de feito, empregouse moito con fins criminais. As principais aplicacións industriais son: a fabricación do vidro (descoloración e opalinización) e a obtención do arsénico elemento e dos outros compostos arsenicais. Emprégase tamén como raticida e insecticida; para a preparación de baños destinados a eliminar os parasitos do gando; en esmaltes cerámicos; en pirotecnia; na conservación de peles e na industria téxtil. En dermatoloxía emprégase como cauterizador e en odontoloxía para destruír...

Ten aspecto metálico aceirado e conduce a calor e a electricidade como os metais. É pouco abundante na codia terrestre (0,0005%); sen embargo, con frecuencia aparece dispersado e cunha ubicuidade sorprendente. Non se adoita encontrar en estado puro, senón que sempre aparece aliado con outros metais e acotío formando sulfuros dobres ou simples. O arsénico gris é moderadamente reactivo; neste sentido, en frío non se altera exposto ao aire seco, sen embargo, recóbrese dunha película de óxido se o aire é húmido. Así mesmo, atácano os halóxenos e en quente combina co xofre; os ácidos non oxidantes e os álcalis non o atacan, aínda que o ácido nítrico e o ácido sulfúrico quentes disólveno e dan, respectivamente, pentaóxido e trióxido.

Forma alotrópica metastable do arsénico obtida por sublimación do arsénico gris nunha corrente de hidróxeno e con arrefriamento lento dos vapores. 

Pos moi tóxicos que se obteñen torrando a arsenopirita. Emprégase na industria do coiro e como pigmento e raticida. O mineral natural é o realgar.

arsenamina.

Sólido delicuescente e velenoso que se obtén por deshidratación térmica do ácido arsénico a 200°C. Emprégase como substancia de partida na fabricación de arseniatos para insecticidas e para obter colorantes.

...