"soviet" (Contén)

Organización política que tiña como nome orixinal Kommunističeskaya Partija Soveckogo Sojuza (KPSS). Ten a súa orixe na Unión para a Loita pola Emancipación da Clase Obreira, fundada por Lenin en Peterburgo en 1895 e que en 1898 se transformou no Partido Obreiro Socialdemócrata Ruso (POSDR). O programa e estratexia que Lenin impuxo no POSDR provocou a división entre bolxeviques e menxeviques. Despois de asumir todos os poderes debido á Revolución Rusa, o sector bolxevique do POSDR adoptou o nome de Partido Comunista de Rusia (marzo de 1918), que en 1952 cambiou polo de Partido Comunista da Unión Soviética. Un dos seus primeiros obxectivos foi a transformación da Revolución Rusa en revolución mundial, e con este fin, en marzo de 1919, constituíuse a Terceira Internacional ou Komintern. O ascenso dos réximes autoritarios obrigaron ao abandono desta política e á adopción da política do “comunismo nun só país”, sustentada por Stalin, secretario xeral do partido desde 1922. Despois da morte...

Conflito armado entre Polonia e a URSS suscitado por unha cuestión de fronteiras entre ambos os dous países, que non quedaran fixadas no Tratado de Versailles (1919). Polonia invadiu Ucraína (abril-maio de 1920), pero o contraataque das forzas soviéticas fixo recuar as tropas polacas ata as proximidades de Varsovia (xuño-xullo). Os polacos, xunto coa axuda do estado maior francés, pasaron novamente á ofensiva a mediados de agosto e fixeron retroceder aos soviéticos máis alá do Bug e do Nemunas. O 12 de outubro asinouse o armisticio e o 18 de marzo de 1921 o Tratado de Rīga, polo que se fixaron as fronteiras.

Cada un dos consellos obreiros creados durante a Revolución de 1905, contra o réxime zarista ruso. Renaceron coa Revolución de Outubro de 1917 e convertéronse en auténticos órganos de poder, controlados polos bolxeviques baixo a dirección de L. Trockij. Constituíronse como asembleas políticas lexislativas e, organizadas a escala local, dotáronse dun comité executivo central (Soviet Supremo) que os coordinaba. Elixidas para un período de cinco anos por sufraxio universal, as candidaturas eran únicas e designadas polo Partido Comunista Ruso.

Máximo órgano político da URSS a partir de 1936, en que residían os poderes executivo e lexislativo. Ademais dun Soviet Supremo para cada república da federación, existía un Soviet Supremo Federal, composto por dúas cámaras ou asembleas (o soviet das nacionalidades e o soviet da unión) renovables cada catro anos e con igualdade de poderes.

Acción e efecto de sovietizar.

Unión de Repúblicas Socialistas Soviéticas.

Fase da Segunda Guerra Mundial (1941-1945), que enfrontou a URSS, coa axuda dos aliados, ao Terceiro Reich, sostido polas potencias do Eixe, que rematou coa vitoria soviética.

Acordo asinado en Moscova (22.8.1939) pola URSS e Hitler, polo que se establecía un compromiso mutuo de non agresión e unha limitación das zonas de influencia de ambos os dous estados. Este pacto deixou as mans libres a Hitler para atacar Polonia, o que desencadeou a Segunda Guerra Mundial.