chukchi

Relativo ou pertencente aos chukchis.

Individuo do pobo dos chukchis.

Pobo paleoasiático, de raza siberiana relacionado coa esquimó, establecido no extremo nororiental de Siberia, no territorio que constitúe actualmente o okrug autónomo dos Chukchis. Os grupos costeiros practican a pesca dos cetáceos, mentres que os do interior dedícanse á cría de renos. Son nómades, viven diseminados en pequenos grupos de réxime patriarcal e practican a endogamia e o levirato.

Lingua do pobo chukchi que, xunto co koriak e co kamchadal, coas que está relacionada, pertence ás linguas paleosiberianas. De estrutura morfolóxica aglutinada, caracterizada pola polisíntese, ofrece dúas variantes dialectais correspondentes aos dous grupos tribais.