Círculo de Recreo de Lalín

Institución fundada en Lalín en 1852 baixo a presidencia de Gumersindo Goyanes. Os seus fins son culturais e recreativos. Organiza conferencias, exposicións, concertos e outras actividades, como bailes sociais. Entre outras instalacións, conta cunha biblioteca, un salón de xogos, unha sala de billar e de xadrez, e un pub xuvenil. Ademais posúe unha escola de xadrez, con equipos federados en distintas categorías. Tamén no eido deportivo, colabora con outros equipos e clubs da vila. Presidido por Julio Benigno López Rodríguez, pertence á Federación Gallega de Círculos y Casinos Culturales.