2 cordeiro -ra

(< lat v *cordarĭu, de cordu ‘tardío,serodio’)

s
Cría da ovella ata a idade dun ano.

Ex: O cordeiro naceu pola noite e á mañá xa estaba de pé.
Sinónimos: roxelo.
[ALIM]
1. s m
  Carne de cordeiro de menos de catro meses cun peso de ata 13 kg. En Meira (Moaña) celébrase desde 1990 a festa do Cordeiro ao espeto, asado á maneira crioula, e en Poio hai tradición de celebrar unha festa do Cordeiro o día de san Xoán.
2. cordeiro leitón
  Carne de cordeiro de menos dun mes e medio, cun peso de ata 8 kg.
s m
Pel de cordeiro.
s m
Persoa de carácter pacífico, dócil e humilde.

Ex: Era tan boa como un cordeiriño.
s m [HERÁLD]
año.
cordeiro de Deus [RELIX]
año de Deus
cordeiro de praia [PLANTA]
Planta perenne de ata 40 cm de altura e con capítulos de pequenas flores amarelas dispostos en corimbos. Propia de dunas e praias, está totalmente recuberta dunha lanuxe branca que a protexe das duras condicións, como a alta insolación, a desecación ou a acción abrasiva do vento cargado de area. Tamén se coñece como carrasca de san Xoán.
cordeiro pascual [RELIX]
año pascual

Palabras veciñas