descendencia

Feito de descender un ser vivo doutro.

Conxunto de membros que proveñen dun único individuo.

Organización familiar, por grupos de parentes, pola que se establece unha serie de dereitos e obrigas en función da súa adscrición a un grupo, formado polos seus parentes ou por unha parte destes. Pódese privilexiar a súa vinculación a unha liña de parentesco (descendencia unilineal), ou ben manter a referencia a ambas liñas descendentes (descendencia bilineal). Cada un dos grupos formados por descendencia chámase liñaxe e, nun nivel de organización superior, denomínase clan.

Método que utiliza o estudo da descendencia dun proxenitor para coñecer o seu valor xenético.

Fundamento da bioloxía que, baseándose na mutabilidade das especies, proclama que as formas máis sinxelas deron lugar ás máis complexas. Foi exposta, entre outros, por Erasmo, Darwin, Geoffroy-Saint-Hilaire e Jean-Baptiste Lamarck.