dólar

Unidade monetaria de diversos países.

Unidade monetaria principal de Australia ($ A) desde 1966, equivale a 0,995310 g de ouro fino. Divídese en 100 centavos e emprégase tamén en Tuvalú, Naurú e Kiribati.

Unidade monetaria principal das Bahamas (B $). Divídese en 100 centavos.

Unidade monetaria principal de Barbados (BBD $). Divídese en 100 centavos.

Unidade monetaria principal de Belize (BZ $). Divídese en 100 centavos.

Unidade monetaria principal de Brunei (B $). Divídese en 100 centavos.

Unidade monetaria principal de Canadá (C $). Divídese en 100 centavos.

Unidade monetaria principal dos EE UU ($) desde o 22 de xuño de 1776, dividida en 100 centavos. En 1792 definiuse por unha dobre relación: 24,06 g de prata ou 1.603,8 mg de ouro fino. A súa orixe está no thaler alemán, unha moeda grande de prata cuñada no Tirol (1484) e que circulou na Europa Central a finais do s XV; coñecida popularmente como daaler, durante o s XVI foi imitada por outros países. Cuñáronse, entre outros, o rigsdaler en Dinamarca, o rijkddaaler nos Países Baixos, o tallero en Italia e o jocandale en Francia. Os colonos británicos establecidos en América empregaron o nome de dollar, derivado de thaler, para designar o peso español de prata (coñecido tamén como peza de oito reais ou dólar colonario), que se empregaba habitualmente como moeda de pago nas colonias de América. Dende finais do s XVIII aceptouse como nome para as moedas dos EE UU. Seguiuse cuñando en prata, co mesmo tamaño, ata 1935. Polos acordos de Bretton Woods (29.12.1945) converteuse en moeda de reserva e dobremente convertible, en ouro ou en calquera outra moeda, e desbancou da posición de dominio a libra esterlina. En marzo de 1968, a convertibilidade en ouro foilles reservada aos bancos centrais, e en agosto de 1971 os EE UU retiraron o compromiso da súa convertibilidade en ouro. Entre 1971 e 1978 comezaron a cuñarse en cobre-níquel. Desde entón, a definición en ouro e as súas devaluacións posteriores fixéronse teóricas ao comunicarllas ao Fondo Monetario Internacional, respecto aos dereitos especiais de xiro. As últimas cuñacións producíronse entre 1979 e 1981 e de novo no 2000.

Unidade monetaria principal de Fixi (F $). Divídese en 100 centavos.

Unidade monetaria principal de Guyana (G $). Divídese en 100 centavos.

Unidade monetaria principal de Hong Kong (HK $). Divídese en 100 centavos.

Unidade monetaria principal de Liberia (L $) desde 1942.

Unidade monetaria principal de Malaisia (M $). Divídese en 100 centavos.

Unidade monetaria principal de Nova Zelanda (NZ $) desde 1967. Divídese en 100 centavos.

Unidade monetaria principal de Puerto Rico (US $). Divídese en 100 centavos.

Unidade monetaria principal das Illas Salomón (SI $). Divídese en 100 centavos.

Unidade monetaria principal de Singapur (S $). Divídese en 100 centavos.

Unidade monetaria principal de Taiwán (NT $). Divídese en 100 centavos.

Unidade monetaria principal de Trinidad e Tobago (TT $). Divídese en 100 centavos.

Unidade monetaria principal de Xamaica (J $). Divídese en 100 centavos.

Unidade monetaria principal de Zimbabwe (Z $). Divídese en 100 centavos.

Unidade monetaria principal nas illas de Antiga e Barbuda, Dominica, Saint Kitts e Nevis, Saint Lucia, San Vicente e As Granadinas (EC $). Divídese en 100 centavos.