ensinar

1. v t

   Facer que alguén aprenda algo comunicándolle coñecementos, teóricos ou prácticos, dunha ciencia ou arte mediante leccións, explicacións, etc.

   Ex: Hoxe o mestre ensinounos unha canción antiga.

   Sinónimos: aprender, deprender.
2. v t

   Dar unha advertencia ou exemplo que sirva de experiencia.

   Ex: A vida ensinoulle a buscar o seu camiño.

   Confrontacións: instruír, orientar.
3. v t

   Dar sinais dunha cousa.

   Ex: Tíñame perdido na cidade pero un policía ensinoume o camiño de volta.

   Sinónimos: indicar, sinalar.
4. v t

   1. Mostrar algunha cousa.

      Ex: Ensínalles os xoguetes que che trouxeron os Reis Magos.

      Sinónimos: amosar.

   2. Deixar ver algo de forma involuntaria.

      Ex: Cada vez que ri ensina todos os dentes.

Frases feitas

• Ensinar a orella. Deixar un ao descuberto os seus defectos.

• Ensinar o cu. Quedar en evidencia.